Son aylarda aktyor Kaan Yıldırımla eşq yaşadığı xəbəri ilə gündəmdə olan Azərbaycan əsilli məşhur türkiyəli model Çağla Şikel "Sadəcə dostuq" deyib bu iddiaları yalanlamışdı. Ona verilən "Həyatınızda biri varmı" sualına verdiyi cavabla yenidən gündəm olub.

azwap.biz Lent.az-a istinadən məlumat verir ki, məşhur model cavabında "Həyatımda kimsə yoxdur. Biri olsa, birlikdə konsertdə musiqi dinləmək istərdim, amma yoxdur" , - deyib.

"Çox varlı olsa da, yoxsul olsa da mənim üçün fərq etməz. Allaha şükür, hər şeyim var. Kasıb insanlarla da birlikdə ola bilərəm. Kasıb kişi ilə də evlənərəm".

2008-2015-ci illərdə 51 yaşlı müğənni və aktyor Emre Altuğla evli olan Çağla Şikelin bu evlilikdən Kuzey və Uzay adlı iki oğlu var.

Qeyd edək ki, Çağla Şikelin anası adanalı, atası qarslı Azərbaycan türklərindəndir.