Yoluxma sayındakı azalma arxayınlıq yaratmamalıdır - AÇIQLAMA
Yoluxma sayındakı azalma arxayınlıq yaratmamalıdır - AÇIQLAMA
"Son günlər yoluxma saylarındakı azalma vətəndaşlar arasında çaşqınlıq və arxayınlıq yaratmamalıdır. Çünki payız mövsümü respirator xəstəliklərin aktivləşdiyi dövrdür. Koronavirusun yayılması üçün mövsüm fərqi olmamasına baxmayaraq, payız-qış mövsümü yoluxma hallarının artımı üçün daha təhlükəli vaxtlardır. İnsanların qapalı məkanlarda sıx toplaşması, havaların soyuması ilə əlaqədar olaraq otaqlarda pəncərələrin bağlı saxlanılması, ən əsas da immunitetin zəifləməsi COVID-19-un yayılması üçün əlverişli mühit yaradır".

Xezerxeber.az xəbər verir ki, bunu TƏBİB-in infeksion xəstəliklər üzrə işçi qrupunun həkim-infeksionisti Natiq Əliyev söyləyib.

O deyib ki, koronavirusun digər respirator infeksiyalarla birlikdə keçirilməsi isə xəstənin vəziyyətini daha da ağırlaşdıra bilər: "Odur ki pandemiyanın əvvəlindən tövsiyə edilən qızıl qaydalara əməl olunması və vaksinasiya prosesində aktiv iştirak önəmlidir".

Baxılıb: 2314   Tarix: 09 oktyabr 2021
Geri Qayit

Azwap.Biz

Sayt Rehberliyi ile Elaqe